E tan anticipa SETAR Tech Adventure a cuminsa y ta trata di un evento nobo nobo specialmente pa muchanan di 7 pa 12 aña cu tin interes den tecnologia, sciencia y inovacion.

E prome grupo di muchanan cu a keda selecta entre 7 cu 9 aña a cuminsa e dia yen di animo, SETAR Tech Adventure ta e siman aki tur dia entre 9or di mainta pa 1or di merdia y muchanan entre 10 cu 12 aña lo atende di 2or pa 6or di atardi.

Durante tres dia SETAR ta duna muchanan diferente splicacion y muestranan di lo ultimo den tecnologia, manera coding, 3D design, 3D printing, animation, electronics, virtual reality, laser cutting, robotica y mucho mas. Na final di cada sesion e muchanan lo tin oportunidad pa experimenta cu locual nan a siña.

E ta un siman di aventura tecnologico. Durante e di cuater dia, e muchanan lo por traha riba nan mesun projecto.
Diabierna dia 22 di juli 2016, SETAR Tech Adventure termina cu tremendo Expo cu lo tuma lugar na SETAR Store.
Riba e dia aki e muchanan lo expone locual nan a traha durante siman. Esaki ta habri pa publico y tur por bin pa mustra nan sosten y interes pa e trabao di e muchanan. Tambe, lo tin varios gadgets y experimentonan interesante pa adulto y mucha por experiencia, manera Virtual Reality, robotica cu lego, hologram traha cu celular y mucho mas. Entrada na Expo ta completamente gratis.