Awe 20 di juni ta e dia mundial di Wi-Fi. Un dia dedica pa reconoce y celebra e papel  importante cu Wi-Fi tin den bida di hende. Atraves di diferente proyectonan inovativo Wi-Fi ta conecta ciudadnan, comunidadnan y islanan, cu no ta conecta, na e resto di mundo.

 

SETAR como e compania nacional di Aruba, semper ta aporta na nos comunidad riba varios tereno, pero primordialmente SETAR ta un gran sostenedor di Wi-Fi riba tereno di educacion, turismo y tecnologia  y ta aporta na diferente projectonan di Wi-Fi na Aruba. SETAR tin un infrastructura di Wi-Fi cu speednan hopi halto, accesibel pa tur studiante na diferente scol aki na Aruba. Mirando cu awendia mas y mas studiante ta uza Internet como nan fuente di informacion pa diferente tareanan pa scol.

Pa e sector di turismo y pa e desaroyo di Aruba tambe Wi-Fi ta importante. Cu introduccion di Wi-Fi Aruba y diferente Wi-Fi hotspots rond di nos isla, esnan cu ta bishita por keda semper conecta via Wi-Fi hotspots di SETAR.

SETAR constantemente ta creando conexion via tur e Wi-Fi hotspots rond di nos isla y cu speednan di Internet hopi halto. Dunando asina e usuario un experiencia sublime. Alabes, SETAR tin un sistema avansa pa ofrece eventonan grandi manera e.o. concierto of actividadnan deportivo internacional cu servicio di Wi-Fi caminda tur publico presente por uza y asina propaganda con dushi nan ta pasa riba nos isla.