Despues di a warda un rato pa e temporadanan nobo di e 2 serienan original di e canal Lifetime awor ta nan ta cuminsa bek dialuna, 6 di juni, riba canal 10 y den HD riba canal 310.

“Devious Maids” manera ta conoci ta cuminsa cu su di 4 temporada. Un serie yena cu drama pero tambe parti nan cu ta laga bo hari. E ta basa riba “live-in maids” cu ta haya nan mes den problema cu otro, cu nan doño di trabou, cu pareha y hopi mas.

“Unreal” ta inicia su di 2 temporada. Un serie basa riba un team cu ta traha pa un show, tipo manera “The Bachelor”. E team di produccion di Unreal ta percura pa constantemente tin drama entre e participantenan pa asina por tene e show interesante pa su siguidornan. E ta un serie yena cu drama cu asta ta laga bo pensa si di berdad den “The Bachelor” tambe ta asina.

For di 9or di anochi e temporada nobo di e 2 serienan aki ta pasa riba e canal Lifetime, un canal hopi gusta specialmente pa nos hende muher nan pero tambe hende homber. Pa mas informacion, tuma contacto cu SETAR na 525-1700.