Hour of code den tur klas ta un movimiento mundial cu tur aña ta keda organisa den cuadro di e siman di educacion di computer ( Computer Science Education Week). Aki ta na unda www.Code.org ta yega na miyones di studiante den mas di 180 pais via un ora di introduccion na e sciencia di computer y programacion di computer.

Cualkier persona na unda cu ta por organisa un evento di “Hour of Code”. Un ora di instrucción ta disponibel den mas cu 45 idioma cu ta pa tur edad. Experencia no ta necesario y e ta habri di edad di 4 aña pa 104 aña.

Tin un coalision di partnernan cu ta bin hunto pa sostene e Hour of Code, entre nan Microsoft, Apple y Amazon.

Hour of Code ta tuma lugar e aña aki na Aruba den e siman di December 5 to 9, 2016.

Preparacionnan ta den full swing pa e Hour of Code na Aruba.

SETAR NV y Aruba Digital systems ta organis’e y sostene varios partnernan educativo pa hacie un realidad. Ya tin 2000 studiante cu a registra pa participa na Aruba.

Pakico computer science?

Computer science ta fundamental. Tur studiante den e era awe por tin e oportundad pa siña con pa crea tecnologia.  E sciencia di computer ta cambiando tur industria riba nos planeta. E básico conocimento pa e sciencia aki tambe ta yuda e creatividad y habilidad pa resolve problema y prepara e studiante pa cualkier carera pa futuro.

E Hour of Code ta un ora di introduccion na e sciencia di computer. E plan di Hour of Code y e actividadnan ta yuda pa inspira studiantenan den diferente klas di Mathematica, Historia, Ingles, y hopi mas. Despues di un ora e experiencia ta cu varios studiante ta desea di sigui.

Tanto studiantenan como educadornan por scohe for di un variedad di actividadnan cuminsando for di kleuterschool bai ariba. Por haci e actividadnan  for di cualkier browser moderno, sea riba tablet of smartphone.

Tin interés pa participa of inscribi bo school?

Boluntarionan y Schoolnan cu ta desea di contribui y experencia e momento unico aki y haci un diferencia den bida di e hobennan por acudi na e siguiente session:

  • Universidad di Aruba diaranzon november 16, 2016 (Ora: 6:30 – 8:00 PM)