Por aplica como boluntario diasabra durante IPA DAG
Preparacionnan ta den full swing pa e Hour of Code na Aruba pero mester di mas boluntario.
E reaccion di e scolnan cu e participacion na e “Hour of Code” tabata abrumador. Inscripcion a sera y ya e schedule ta casi full cla pa ehecuta e “Hour of Code den e siman di dia 5 pa 9 di december proximo.” E registracion pa scol participa si a sera, pero si tin scol cu kier hacie, no ta problema, numa nos no por yuda cu boluntarionan.”
Varios scol rond di Aruba lo participa den e movimiento mundial aki den cual pa un siman largo www.code.org lo yega na millones di studiante den mas di 180 pais via un ora di introducción na e sciencia di programa computer.
E scolnan cu a confirma nan participacion ta:
- Scol Basico Washington
- Colegio San Antonio
- Prinses Amalia Basis School
- Colegio Sagrado Curazon
- International School of Aruba
- De Schakel
- EPI
- Colegio Frere Bonifacius
- Scol Prepartorio pa Ofishi
- Reina Beatrix School
- John Wesley College
- Colegio San Augustin
Hour of Code ta tuma lugar e aña aki na Aruba den e siman di december 5 pa 9, 2016. Tur mucha lo haya un sticker y certificaat cu a participa. SETAR NV y Aruba Digital systems ta organis’e y ta wordo sosteni pa varios partnernan educativo pa hacie un realidad. Ya tin mas cu 850 studiante cu a confirma pa participa e anja aki na Aruba.
Pakico computer science?
Computer science ta fundamental. Tur studiante den e era awe por tin e oportunidad pa siña con pa crea tecnologia. E sciencia di computer ta cambiando tur industria riba nos planeta. E conocimento básico pa e sciencia aki tambe ta yuda e creatividad y habilidad pa resolve problema y prepara e studiante pa cualkier carera pa futuro.
E Hour of Code ta un ora di introduccion na e sciencia di computer. E plan di Hour of Code y e actividadnan ta yuda pa inspira studiantenan den diferente klas di Matematica, Historia, Ingles, y hopi mas. Despues di un ora e experiencia ta cu varios studiante ta desea di sigui.
Tanto studiantenan como educadornan por scohe for di un variedad di actividadnan cuminsando for di kleuterschool bai ariba. Por haci e actividadnan for di cualkier browser moderno, sea riba PC, laptop, Tablet/iPad of smartphone.
Tin interes pa participa como boluntario?
Boluntarionan cu ta desea di contribui y experencia e momento unico aki y haci un diferencia den bida di e hobennan por acudi na e siguiente session:
- IPA diasabra di 19 di november 19, 2016 (durante e IPA dag) di 11:00 am pa 12:00 am
Tambe por bisihita e Facebook page di Hour of Code y registra ey.
