Preguntanan frecuentemente haci relaciona cu Cobransa

Si. Clientenan di MiSETAR cu tin Aruba Bank Text Banking awor por haci uzo di e opcion pa paga cu Aruba Bank den MiSETAR. Pa splicacion di con pa activa y haci uzo di e servicio aki, please acudi na e FAQ 'Pago den MiSETAR' mas abao riba e pagina aki.

Si bo no ta un cliente di Aruba Bank, bo por bishita cualkier Teleshop di SETAR cu e version digital di bo cobransa y paga na nos Self Service Kiosk of laga un di nos representantenan assistibo. Tambe, print bo cobranza via MiSETAR y paga esaki na e banco di bo preferencia, via online banking di bo banco of hulpbestuurskantoor di gobierno.

Bo gastonan di abonnement lo ser kita di antemano pa e luna siguiente, bo gastonan di uzo lo ser cobra despues.

Na un Hulpsbestuurkantoor:
Tur Hulpbestuurkantoor por acepta pago di servicionan di SETAR. Pa haci pago pa cualkier servicio di SETAR por fabor sea sigur di trece bo cobranza.

Na un banco:
Tur banco comercial na Aruba ta acepta pago pa servicionan di SETAR. Bo por haci pago facilmente uzando servicio bancario online ofreci pa bo banco.

Un otro manera facil pa haci pago ta solicita pa pago automatico (direct debit) via un Teleshop di SETAR of pidiendo un "standing order" na banco of haci transferencia tur luna.
Ora haci pago ta importante pa semper indica e number di cuenta corecto y bo nomber di cliente.

Na un Teleshop di SETAR:
Bo por haci pago na cualkier Teleshop di SETAR excepto SETAR Store. Teleshop ta habri di Dialuna pa Diasabra y tambe ta ofrece tur servicio di SETAR.

Via banco online:
Por fabor contact bo banco pa mas pregunta y ayudo cu nan servicio di banco online.

 

Asina cu e deadline pa pago vence, bo conexion por keda suspendi temporalmente te ora bo obligacion di pago keda cumpli. Reanudacion di servicio ta rekeri prueba di pago di e cobranza(nan) concerni.

SETAR lo cobra un suma di Afl. 15,- riba e siguiente recibo pa por cubri e gastonan di administracion incuri pa motibo di pago atrasa.

Si despues cu e servicio keda temporalmente desconecta, e cuenta keda sin paga, SETAR riba su discrecion unico lo desconecta e servicio permanentemente. Despues cu bo haci tur e pagonan necesario, bo por solicita di nobo pa reconexion di servicio, na cualkier Teleshop di SETAR.

Si bo scoge pa e servicio keda desconecta, mester paga e saldo pendiente, incluyendo e boet.

Gasto di reconexion lo tin. Si di antemano bo ta mira problema di pago di un proximo cobranza, contact nos departamento di “Incasso” prome cu e fecha di vencemento di e pago.
Si banco ta debolbe un cheque firma como resultado di fondo insuficiente, lo cobra bo Afl. 40,- (pa cada cheque) y e servicio lo keda desconecta.

Bo por paga cash (Florin Arubano, US Dollar), y carchi credito y debit na e Teleshopnan. Naturalmente, nos ta acepta gift card di SETAR tambe.

Bo por haci esaki di e siguiente dos maneranan:
1.     Pidiendo pa "direct debit" na un di e Teleshopnan di SETAR. (Preferiblemente)
Cliente cu cuenta di Aruba Bank o Banco di Caribe N.V. por solicita "direct debit" na cualkier Teleshop. Esey ta nifica cu e suma riba e cobranza ta ser kita tur luna completamente.
2. Dunando e banco bo number di referencia di cliente (standing order). Den e caso aki, nan lo regla tur cos pa bo. Por fabor tuma nota! Den caso di 'standing orders' via banco, solamente e suma acorda lo ser kita. Si e suma pa luna ta mas halto, esaki lo resulta den un saldo pendiente. Ta na bo pa verifica y coregi cualkier saldo pendiente.

Bo number di referencia como cliente por ser haya entre e dos strepinan parti ariba di e cobranza.

E letternan aki ta para pa e servicionan cu bo ta cumpra via SMS, manera informe di noticia, etc.

Esaki ta haci tur luna dentro di 1 pa 2 siman cu a faya un deadline di pago.

Pa sigura cu bo por paga bo recibonan na tempo y evita di mester paga un boet, bo por:

  • Registra pa MiSETAR: MiSETAR ta duna bo un resumen di tur bo cobranzanan y detaye di uzo. (Preferiblemente).
  • Activa e opcion di notifica den MiSETAR. Lo bo ricibi un SMS ora bo cobranza keda procesa, specificando e suma cu mester paga.
  • Contact nos servicio na clientena 114 y pidi bo cobranza.

Si, esey ta posibel. Pa pidi pa "betalingsregeling" bo mester bishita nos Teleshop na Seroe Blanco. Por fabor sea sigur cu bo tin e siguiente documentonan cu bo:

  • Identificacion valido (cedula, rijbewijs of paspoort),
  • Un copia di bo ultimo payslip,
  • Bo number di ID (“persoonsnummer”).

Esey ta depende di e fecha cu bo a firma e contract. Bo mester paga cada recibo prome cu e fecha di vencemento cu ta specifica riba bo recibo. Den cierto caso, por ehemplo si bo a firma pa un servicio cerca di fin di luna, bo por ricibi un recibo mas halto pa un biaha pa motibo di e 'overlap' di tempo.

E deadline pa paga ta specifica riba e recibo. Si bo paga despues di e deadline bo lo ricibi un boet di Afl. 15,- pa cada recibo cu no ta paga na tempo.

Topico

setar-icon-contactBo mester di ayudo? Contact nos

Bo mester di ayudo cu nos servicionan?
Check aki tur e opcionnan con pa contact nos.

Tur contact