E siman aki SETAR a lansa su campaña anual di Summer Specials, cu e aña aki ta den e tema di ‘Aruba den movecion’. Pa medio di e campaña aki SETAR kier apoya y enfoca riba nos atletanan local y tur hende na Aruba cu ta activo den deporte of otro forma di movecion.
Den e campaña di Summer Specials ‘Aruba den movecion’ SETAR ta ilustra tur su productonan y servicionan y ta ofrece diferente specials riba esakinan. Tin diferente celular cu a yega nobo, manera iPhone SE, Samsung Galaxy Grand Prime, Samsung Galaxy V Plus y mucho mas na prijs atractivo. Tambe, SETAR a introduci diferente gadgets nobo. Y clientenan di Cable Digital por probecha pa tempo limita di un tremendo special pa haya acceso gratis na varios pelicula riba Video On Demand (VOD).
Alaves, SETAR ta recorda su clientenan pa contribui na Aruba su medio ambiente door di scoge e opcion di ‘Online Bill Only’ den MiSETAR. E opcion aki no tin solamente beneficio pa atmosfera, pero sigur tambe tremendo bentaha pa abo como usuario manera mas seguridad, spar tempo, y tin un mihor bista di bo servicionan, uzo, cobranza y pagonan. Durante SETAR su Summer Specials tur cliente cu tin of scoge pa ‘Online Bill Only’ durante e periodo aki ta participa pa gana un Samsung Galaxy S6!
Pa mas informacion di nos promocionnan, wak den e foyeto cu ta keda reparti na cas, riba nos website nobo setar.aw of Facebook. Tur promocion ta valido te cu dia 31 di juli 2016 na cualkier Teleshop di SETAR of SETAR Store.
