Donacion di un Van segunda mano na e fundacion Crijojo Trappers.

E fundacion aki ta ehecuta un programa structura cu cooperacion di veterinarionan cual ta encera captura, sterilisacion y liberacion di pushi y cacho bek riba caya. Esaki cu e meta di yuda alivia e molester di animalnan di caya rond Aruba y na mes momento pa contribui na un solucion permanente. Crijojo Trappers ta pasa di districto pa districto y ta traha completamente a base boluntario.

E Van aki lo yuda cu transportacion di e cacho y pushinan di nan luga di captura pa e veterinario y bek pa nan luga di captura. Un danki special ta bai pa Garage Central cu a yuda den e preparación di Van. Riba e potret por mira representantenan di AAA (Hendrik Croes), WEB (Asja Dongen) y SETAR (Suzy Maduro) entregando sr.Marvine Kock, tesorera y trekker di e projecto di Crijojo Trappers.