Diadomingo awo ta ranca sali e campeonato di mas grandi di voetbal, esta World Cup 2022. E aña aki cu Qatar como anfitrion di World Cup 2022, unda cu 32 team lo competi den 64 wega pa yega na e titulo di Campeon di Mundo.
SETAR como un di e sponsornan principal di e transmision di World Cup 2022 ta invita tur e fanaticonan di voetbal na Aruba pa sintonisa Telearuba canal 23 pa sigui tur e weganan di World Cup 2022 y asina apoya bo team nacional faborito, cuminsando diadomingo awo 20 di november te cu 18 di december. E prome wega di apertura lo ta entre Qatar y Ecuador cuminsando pa 12.00 pm.
SETAR, como nos compania nacional di telecomunicacion, ta contento di por trece e transmision di weganan di World Cup 2022 te den cas y negoshi di nos clientenan p’asina por difruta di e campeonato tan gusta.
