SETAR ta traha continuamente pa mehora e opcionnan obtenibel riba e canalnan di Cable. Pa e motibo aki, SETAR ta informa cu lo tin algun cambio riba e channel line-up existente, tanto pa Cable Analog, Digital como SETAR Complete.
A base di peticion di varios cliente a haci e siguiente cambionan, ABC- Miami na canal 14, NBC- Miami na canal 15 y CBS-Miami na canal 16 lo bira ABC - New York, NBC - New York y CBS - New York. E noticiero lo bira New York enbez di Miami, pero e otro programanan diario riba e canalnan menciona no lo cambia. Clientenan por sigui disfruta di nan programanan favorito manera Good Morning America, Jeopardy, Wheel of Fortune, 20/20 etc., ta importante pa tene na cuenta cu e orario di algun di e programanan si lo cambia. Pa clientenan cu Cable Digital por mira e canalnan tambe riba HD na canal 314, 315 y 316.
Clientenan Analog ta ricibi un canal nobo cual ta TVCarib di St. Maarten y clientenan di Cable Digital y SETAR Complete lo ricibi hunto cu TVCarib tambe Telemundo - New York y Fox - New York. Tur cliente lo bai nota e cambionan menciona den dianan venidero.
Pa mas informacion bishita nos pagina web y download e channel line-up. Por tuma contacto cu nos tambe na telefon 525-1700, WhatsApp na 597-9999, of email nos na customercare@setar.aw.
