Entrante luna di maart clientenan di SETAR por cumpra varios producto, bundles y mucho mas via nos Online Store na www.setar.aw/store. E Online Store ta brinda oportunidad pa browse y wak devices y acesorios cu tin disponibel.

Tambe por wak cuanto e device lo sali door di selecta e modelo di telefon, selecta bo plan, por ehempel Postpaid U, e duracion di contract, e tipo di contract y e abonnement cu ta desea. Unabes cu selecta esakinan, por wak e suma cu mester paga pa e telefon y por agrega e telefon na bo “cart”.

Clientenan cu servicionan prepaid di SETAR tambe por cumpra varios servicio online, entre otro: data bundles, one bundles, credito prepaid, prepaid sim card y prepaid data pa Wireless Broadband.

Pa haci compras via e Online Store, e cliente por login cu su informacion di MiSetar of por registra pa un account. Si login cu MiSetar, automaticamente lo mustra e numbernan y informacion cu tin registra riba e cliente su account na momento di selecta un device y contract.

Na final, e cliente por check out door di click riba e cart. Akinan por selecta e fecha y orario pa pick up e order na Teleshop Seroe Blanco. Clientenan por paga cu Credit Card, Pay.aw of na Teleshop Seroe Blanco cu e opcion di “Pay In-Store”. Unabes cu place e order, lo ricibi un email cu confirmacion di e order.

Pa mas informacion, bishita nos Online Store y experiencia tur e facilidadnan cu e ta ofrece bo.