Durante e dianan aki e Buki di Telefon 2017 a keda reparti pa tur casnan y negoshinan rond Aruba. Post Aruba NV ta haci entrega di e buki telefonnan via adres of postbus. SETAR ta informa cu si cualkier persona of Negoshi tin mester di buki extra, por pasa buska esaki na cualkier Teleshops of SETAR Store.
Buki telefon ta consisti di paginanan Prologo, paginanan Blanco, paginanan pa Comunidad y paginanan Geel. Den e paginanan pa Comunidad por haña e codigonan international, informacion di departamentonan di gobierno, informacion di fundacionan, e scedule di Arubus, Precaucion y Tipnan pa temporada di Horcan, Proverbio, Dicho y Expresion na Papiamento y camindanan pa explora na Aruba.
Riba e potret por mira e portada di e buki di Telefon 2017 cu tin un ruina di un cas di antes riba dje cu e tema e aña aki: “E ta conta un storia (e casnan di antes).”
E ta referi na e stimacion cu nos tur mester tin pa loke ta di nos. Pa preserva nos herencianan y restaura e casnan of mantene nan como parti di nos.
