Den un Grind Coffee House Full yen di bon ambiente, Telearuba a conduci e prome Telearuba Match na unda un total di 20 persona a participa.

Telearuba Match ta un manera diferente y creativo pa conoce hende nobo y crea un amistad , estilo “speed dating” unda cu riba un anochi bo ta conoce varios persona cu por ta potencial amistad of enamorado. Cada persona participante a ricibi puntonan for di otro cu diferente aspectonan manera si e ta un persona cu lo desea di tin un amistad cune of ta interesa den algo mas cu amistad .

A presenta diferente segmento di Moda (Fashion Tips) , Comedia en bibo (Live Stand Up), historia di dia di San Valentino y otro entretenimento.

Na final di anochi a anuncia Telearuba Match cu ta uno di Amistad, unda Jenifer y Angelo a gana!

Setar NV creando conexion a regala e Telearuba Match diferente regalo pa asina nan tambe keda den conexion.