E aña escolar nobo ta den porta y manera ta custumber SETAR ta contribui pa varios aña caba pa yuda nos muchanan cu tas di scol y material pa bay scol bek. E aña aki SETAR su iniciativa di Back to School tin como meta pa yuda 300 mucha.

SETAR a haci entrega di tas di scol cu articulonan di scol na Departamento di Asuntonan Social, en conexion cu nan proyecto di Vakantieplan Zorgkinderen, Fundacion Pa Nos Comunidad, Janine Rodriguez di Slachtoffer Hulp, Fundacion Creciendo, Fundacion Guia Mi y Fundacion pa Hende Muhe den Dificultad p’asina nan por reparti esakinan entre esnan cu mas mester di dje. Asina aki SETAR ta sigui aporta na nos comunidad, en especial na nos muchanan.

SETAR, como nos compania nacional di telecomunicacion, ta contribui durante henter aña na comunidad cu varios actividad y proyectonan den e area di cultura, deporte, educacion, social y mucho mas.

Di parti di SETAR nos kier a desea tur studiante un aña escolar exitoso.