Roxana Ras hefe di Mercadeo di SETAR a haci entrega di 100 tas di scol na Joasy van der Biest representante di e Fundacion Creciendo. Como cu vakantie ta casi termina y aña escolar ta den cuminsa, SETAR a pensa riba duna un man na e proyecto bunita aki di Fundacion Creciendo. Fundacion Creciendo tur aña ta acerca sponsornan pa haci donación na varios organisacionnan cu ta yuda muchanan desafortuna.

SETAR durante henter aña ta contribui cu e comunidad riba varios actividadnan y den varios sector. Por ehempel den nos celebracionnan cultural, den deporte, den arte y den educacion en general y mucho mas.

Otro proyectonan cu arios proyectonan cu por menciona ta competencianan di re-cyclahe, competencianan di pintamento y otro actividadnan pa hobenan.

SETAR kier desea tur studiante un bon aña escolar cu hopi exito. Riba e potret por mira d.r.p.d. Clem van Heyningen di departamento di mercadeo di SETAR cu a percura pa e tasnan, Roxana Ras, hefe di mercadeo di SETAR y Suzy Maduro kendenan a haci entrega oficial di e tasnan aki na e fundacion.