Actualmente nos comunidad ta pasando door di momentonan dificil. SETAR, como Aruba su compania nacional di telecomunicacion, kier aporta unda cu por p’asina hunto nos surpasa e momentonan dificil aki.

Di parti di SETAR nos ta contento di por uni nos mes na e iniciativa di Happy To Give Back pa yuda recauda fondo pa Fundacion pa Nos Comunidad, Fundacion Ban Uni Man pa Cria Nos Muchanan y YMCA.

Durante e luna di augustus nos lo tin nos campaña di SMS caminda clientenan di SETAR por manda SMS pa haci un donacion na e iniciativa di Happy To Give Back. Esaki ta cuminsa diasabra 1 di augustus te cu 31 di augustus.

Pa haci un donacion por SMS e palabra ‘DUNA’ na 222 pa yuda cu AWG 1 of SMS e palabra ‘YUDA’ na 250 pa yuda cu AWG 5.

Nos kier a invita comunidad di Aruba pa participa den nos campaña di SMS y e diferente campañanan di e inciativa di Happy To Give Back durante e luna di augustus. Asina aki nos por yuda logra e meta y yuda e fundacionnan sigui yuda esnan den necesidad. Bo aporte por haci un diferencia!