Manera ta custumber tur aña SETAR ta contribui pa yuda nos muchanan cu tas di scol y material pa cuminsa e aña escolar nobo. SETAR su iniciativa di Back to School ta tin como meta pa yuda 320 mucha e aña aki.
SETAR a haci entrega di tas di scol y articulonan di scol na Departamento di Asuntonan Social, Aruba One Happy Island Lions Club, Fundacion Mi Voz Ta Bo Voz, Fundacion Contra Violencia Relacional y Fundacion Creciendo p’asina nan por reparti esakinan entre esnan cu mas mester di dje por medio di nan proyectonan di Back to School.
Asina aki SETAR, como nos compania nacional di telecomunicacion, ta sigui aporta na nos comunidad, en especial na nos muchanan. Di parti di SETAR nos kier a desea tur studiante un aña escolar exitoso.
