SETAR ta contento di por forma parti y contribui na e magno evento di “Aruba Island TakeOver 2018”. Durante un conferencia di prensa a anuncia cu e artistanan J Balvin, Bad Bunny cu Alex Sensation y Jeon lo ta na Aruba pa e evento aki.

SETAR como e compania Nr. 1 den Telecomunicacion di Aruba ta orguyoso di semper por apoya nos talentonan local.  “Jeon sigur ta forma parti di nos team y di comienso nos a para su tras.  Awor hunto cu Elite Empire Entertainment y otro 'sponsor partners' nos lo bai trece algun artista internacional, renombra y hopi gusta na Aruba. Hunto cu Jeon nos lo crea e festival mas grandi y expectacular di aña 2018. “, asina Juliska Henriquez di mercadeo di SETAR a bisa.

Diasabra dia 8 di September 2018 lo start cu e benta di Jeon special tickets na SETAR Store na Caya Betico Croes. Pa un dia so, ta ofrece e prijs di Afl.75,- florin pa entrada general y VIP ticket na e prijs di Afl.225,-. E oferta special aki  ta obtenibel riba e dia aki so y tin un cantidad limita. SETAR kier a invita tur hende pa pasa serca nos na SETAR Store cuminsando for di 10:30 AM diasabra awor.

Alabes SETAR ta anuncia cu cuminsando dia 14 di september 2018 ta start cu un campaña di SMS, unda cu tur cliente di SETAR ta haya e oportunidad pa GANA un ticket pa bai e evento “Aruba Island TakeOver 2018”.  Dia 14 di september 2018 por cuminsa manda bo SMS cu e palabra SETAR pa number 222 y asina participa pa gana ticket. Pa mas informacion por 'follow' e evento riba SETAR su Facebook page. SETAR kier a gradici Elite Empire Entertainment pa aserca nos pa forma parti di e evento y lo traha hunto pa asina haci “Aruba Island TakeOver” un exito total!