Mayan dia 18 di october lo tuma lugar pa prome lo organisa un AVO Conference (Education Reboot). Esaki lo ta un oportunidad unico pa docentenan haya un briefing di e rol di tecnologia den educacion y den curiculo di scol ta birando.
Tecnologia mester ta mas presente den enseñansa, e curiculo mester ta mas adapta na e presente y mester inclui e habilidadnan di siglo 21. Mescos cu lesamento, e habilidadnan riba tereno di tecnologia y IT, e asina yama “21 century skills”, ta wordo mira como habilidadnan esencial pa e siguiente generacionnan domina. Durante e AVO Conference lo enfoca riba e topico y retonan aki.
E orador principal lo ta: Sr. Ivo Dongen, IT Manager na SETAR N.V., y basa riba su experiencia y practica, sr. Dongen lo elabora e habilidadnan (“competenties”) rekeri den un compania cu no ta para niun momento keto y e similaridad cu locual ta spera di un maestro/docente den e tempo aki.
Otro oradornan ta inclui Sra. Juliet Carvalhal, desaroyador di e concepto “SMART Schools.
Ir. Marlon Kock, IT Manager di Bureau Innovatie y Sra. Viviana Carraha di Aruba Digital Systems N.V.
Tur maestro y docente di enseñansa secundario y superior y tur esnan cu tin interes den e topico aki por bai e conferencia aki cu ta dia 18 di oktober proximo, di 3or di merdia pa 5or di atardi na Cas di Cultura. Entrada ta gratis.
Pa registra y pa mas informacion por bai na nos website www.ea.aw of nos facebook page @educationaruba.
