Den e era digital, celular ta birando e aparato number un pa tur cos, di chat cu amigonan pa wak television te pa hasi pago. E bentaha ta cu tin tur cos den un solo lugar. Den e-commerce y m-commerce na Aruba e posibilidadnan pa hasi pago digital na florin ta limita, pero awor esaki ta bai bira hopi mas fasil.
Rond mundo tin diferente metodonan di pago digital via bo celular uzando e-wallets. SETAR y Aruba Bank como support partner y companianan innovativo kier a contribui y yuda trece un sistema di pago digital via celular.
Pay.aw ta un plataforma all-inclusive caminda e usuario por medio di e aplicacion por hasi pago via un wallet digital, tur esaki den “real-time”. Ademas, Pay.aw tin un aplicacion special pa e vendor caminda ta brinda negoshinan un instrumento pa mehora nan servicio pa nan clientela y e oportunidad pa haya mas cliente nobo como tambe hasi nan operacionnan mas eficiente.
Meta di Pay.aw ta pa brinda e comunidad di Aruba un manera mas fasil pa hasi pago instantaneo, compra y benta di producto sin nodo di tin placa cash y cu e facilidad pa scohe entre pick-up of delivery te na porta di bo cas. Den e mundo aki, “convenience is King”!
Manera menciona anteriormente, Aruba Bank ta e support partner pa e lansamento di e aplicacion di Pay.aw. Clientenan di SETAR cu tin un cuenta di banco na Aruba Bank por link esaki na e aplicacion y pasa placa di nan cuenta di banco pa nan wallet digital y di eynan haci uzo di e servicio.
Pa mas informacion di Pay.aw bishita e website www.pay.aw of e pagina di Facebook di Pay.aw.
