SETAR ta orguyoso pa anuncia su partnership cu Tennis Aruba den un esfuerso colaborativo pa sostene e desaroyo di Tennis riba nos isla.
Door di sponsor e torneo di Tennis Junior Ranking, SETAR ta stimula participacion, promove competencia saludabel, y crea oportunidad pa cada hoben desaroya nan talento. SETAR ta mira e impacto positivo cu e partnership aki ta trece cune. Deporte ta forma un comunidad, e ta yuda e bienestar fisico, mental y social, y e ta siña cada hoben diciplina, norma y balor.
Nos ta contento di por forma parti na crecemento di cada hoben talentoso den tennis y crea un cultura di excelencia na Aruba. Nos ta desea e comision di Tennis Aruba tur clase di exito den organisa e torneonan y asina hunto fortalece hobennan atleta, cultiva talento, y lanta e pasion pa deporte di tennis. Keda pendiente pa mas informacion di SETAR Junior Ranking den lunanan benidero.
