Manera ta custumber SETAR ta haci entrega di premio tur aña na diferente ganadornan di eleccion di Carnaval. Dialuna ultimo, SETAR a invita e ganadornan di Prins y Pancho Infantil, Hubenil y Grandi, Tumberito Infantil y Hubenil como tambe e ganadornan di Calypso y Roadmarch Infantil y Hubenil pa pasa na SETAR pa ricibi nan premio. Roxana Semeleer-Ras, Hefe di Mercadeo, a haci entrega di e premionan.
Representantenan di directiva di SMAC tambe tabata presente y a regala SETAR e logo oficial di Carnaval como muestra di aprecio. SETAR su contribucion na Aruba su Carnaval ta substancial y e aña aki no ta excepcion. Pa Carnaval 66, SETAR ta patrocina Quality Brassband y Massive Brassband. E aña aki tambe SETAR a aporta na tur grupo di Carnaval di Mucha y Carnaval di Noord, pa asina aki garantisa e continuidad di paradanan bunita especialmente pa nos muchanan.
SETAR como un patrocinador principal di Aruba su Carnaval ya pa mas di 15 aña ta hopi orguyoso di semper por contribui na e fiesta cultural di mas grandi riba nos isla.
