SETAR ta contento di introduci e canal Animal Planet den e formato di High Definition, cortico yama HD. Animal Planet ya caba ta existente riba e lineup di Cable, riba canal 68 den Standard Definition. Pero awor den e formato HD, cliente por disfruta di un calidad di e imagen y audio hopi mas halto. Mas y mas SETAR ta introduci canalnan den HD pa asina por duna clientenan un experiencia hopi mas agradabel.

Animal Planet HD ta riba canal 333. Tur cliente cu Cable Digital cu tin un box HD ta ricibi acceso na e canal aki. Animal Planet ta un canal cu ta inspira y sorprende su televidentenan cu storia cu ta trece nan mas serca di e mundo di animal.

Sintonisa di awe caba riba canal 333 Animal Planet HD. Pa mas informacion por tuma contacto cu SETAR na 525-1700.