Den pasonan grandi pa sigui avanza cu tecnologia y duna tools na educacion di Aruba, SETAR ta contento pa comparti e ultimo update di proyecto Fiber pa tur scol. E iniciativa a cuminsa na comienso di aña y tin como meta pa instala Fiber na tur scol di Aruba.
E infrastructura di Fiber ta haci cu tur scol lo ta cla pa un comunicacion mas inovativo, contribuyendo cu e futuro di tecnologia den educacion. Fiber ta e fundeshi di un era nobo digital y SETAR a compromete cu e proyecto grandi aki, cu lo sigura cu tur studiante y maestro lo tin toolsnan pa avansa den e mundo digital cu ta cambiando constantemente.
E suma di e aporte aki ta grandi, SETAR a inverti mas di 1 Miyon Florin pa contecta tur scol na Aruba riba Fiber. Pa SETAR e compromiso financiero ta substancial, mirando e importancia cu e proyecto aki ta pa comunidad y educacion na Aruba. Aportando cu un fundeshi di tecnologia solido, SETAR ta contribui activamente na futuro di e isla y e generacion cu ta bin.
E esfuerso di SETAR no ta solamente tecnologia; pero SETAR ta aporta cu posibilidad, cresemento y ta crea progreso pa tur hende. SETAR ta contento pa comparti un bista di e proyecto y riba e imagen ta captura tecnico encarga pa e instalacion di Fiber na Scol Primario Kudawecha. SETAR ta keda firme den su mision pa sigui inverti den e futuro di Aruba por medio di inovacion, colaboracion y sosten na educacion. Nos ta contento di mira e transformacion cu Fiber lo trece pa scolnan y e comunidad di Aruba.
