Diadomingo awor fanaticonan di e mundo di pelicula por disfruta di un di eventonan mas grandi durante aña, esta e Emmy Awards. Durante e anochi festivo aki, ta honra actor/actriz, director, escritor y otro figuranan importante cu tin di haci cu e mundo cinematográfico pa produccionan crea durante aña. E aña aki e evento lo tuma lugar na Microsoft Theater na Los Angeles, California.

Actornan nomina ta entre otro Bryan Cranston y Idris Elba. Actriznan nomina ta entre otro Felicity Huffman y Lili Taylor. Serienan popular manera Black-ish, Veep y Game of Thrones tambe a keda nomina. Y asina tin un lista di categoria cu nan nominacion. E ta un anochi yena cu sorpresa, presentacion di diferente artista y ambiente.

Sintonis’e riba Cable Digital riba entre otro Warner Channel, canal 21 y 321 (HD), ABC, canal 14 y 314 (HD), E! Entertainment Español, canal 70. Y e Red Carpet pa wak tur artista nan yegada riba E! Entertainment riba canal 26 y 326 (HD).