Como un orguyo grandi SETAR a uni cu Gobierno di Aruba y Aruba Tourism Authority pa organiza un evento pa asina celebra e logro grandi di nos beisbolista estelar Xander Bogaerts.
Recientemente (28 di october) un biaha mas Xander Bogaerts hunto cu su team Boston Red Sox a logra e titulo di MLB World Series Champions. Pa duna elogia na e logro di Xander, Aruba completo ta keda invita pa un anochi di celebracion, cu ta tuma lugar diasabra, 10 di november, 2018 na Carnival Village, cuminsando for di 6or di atardi.
A prepara un programacion bunita pa yama Xander bon bini na Aruba, gradicie y felicit’e pa su gran logro tanto personal como pa henter Aruba. Lo ta un anochi yena cu ambiente, musica, cuminda y mucho mas. Henter famia ta keda cordialmente invita pa bin presencia e evento dedica pa na nos Arubiano Xander Bogaerts.
