Diadomingo ultimo, coleganan di SETAR a bini hunto pa un “food drive effort” pa Sint Maarten. A prepara 101 caha di articulonan basico cu via Cruz Cora Aruba a manda pa Sint Maarten.
E coleganan di SETAR a haci un colecta y a cumpra e articulonan pa prepara e cahanan di prome auxilio aki. E ta di admira cu danki na e cooperacion di tur boluntario colega y coleganan cu a haci e donacion special pa por logra e proyecto bunita aki. Un danki ta bay tambe na SETAR NV y Save a Lot pa nan tremendo cooperacion y donation.
E siguiente dia, dialuna dia 18 di september e coleganan di SETAR a entrega e cahanan di cuminda na Red Cross pa nan por mandanan na nos hermana isla St. Maarten.
Directiva di FSTT ta yama danki na e team di SETAR y tur coleganan cu a yuda den esaki. Adhunto algún potret na momento cu a caba traha e cahanan y a entreganan na Cruz Cora di Aruba.
